3 اسئلة اجيبوا بصراحة يا ابناء عين الدفلى 44...؟؟؟

صراحة كي يسقسوني نقول انا من ولاية عين الدفلى والكذب علاه بصح مانيش عارفة وعلاه يحشمو بيها


بشان الخمار لا انزعه حتى عندما اذهب الى البحر
شكرا اختي موضوع رائع

يهدينا ويهديك ....يا جيمس بوند

نقلك هدرت بسح افهمها.....أولاد عين الدفلى لتتلا قاهم ماشى كامل أصليين ..مشاء الله عين الدفلى
كبير ...بسح رانى معاك فى شئ واحد اغلبيتهم كعب اى فى المناطق النائية خاصة..براشد ..بطحية...زدين وبليس اخرين مهمش متفتحين ..بسح صحاب عين الدفلى تاع الصح والله صدقنى لناس هيلين ..متفتحين ...وكما يخاف على اختو يخاف على بنات الناس ...هذا حساب مشفت عينى من اصدقائ ..ولأنت كيما قلت مع لى خلطو فى لبنات نقلك بلى كيما أصابع ادك ماشى كيفكيف لبنات ثانى ماشى كفكيف ....ويهدى الله ما يشاء

ايا سمحنالك تكون جيمس بوند وحداخر بصح اسم حمزة خير بلا 007 لتميزكم ههههههههههه..ايا كيما تحب
جيمس بوند ولا حمزة المهم انسان

ياخويا خليني نبرد قلبي اولا انا 44 وجدي 44 وجد جدي44 زايد في 42 ومنقاقيش ومتربي في لكابيتال ومنقاقيش انا نعرف ولاد عين الدفلى في الغربة خويا الله يبارك تحيا عين الدفلى من لحدادة لحدادة ولي كرهنا يصوم على لفرية اوملات كي تلقاني خارج الولاية تسقسيني نجاوبك بالبارلول انا 44 ولي تراس تراس 14 سنة خارج الولاية عشة في 48 ولاية ومعجبتني حتى ولاية نحن لل44 ديما ابلادي وغاشيا عزاز عليا القعدة مع وليدات عين الدفلى تسو الدراهم حنى متربين على الاصل والنيا والرجلة والنيف مناش فيس امامو هدوك لي يخرجو من لولاية ويبدلو الكركاسة باينين يروحو للجامعة باه يقراو يقولو لماليهم رانى في الجامعة وهوما في سات ومطاريس مع لكعب تع دزاير يركب مهبطين ريسانهم في التران وكي يهبطو من الترا راسك يزير هادوك لكعب لي ما شافوش وماهم منى وحنى منا منهم ان كنت في العاصيمة كي سقسوني لمحلبين تاع العاصيمة نقوللهم من عين الدفلى يقولولي ديما خيار الناس ونقولهالهم بي بورودة وتراريس يعرفو التراريس واخر كلمة لوليدات بلادي احنا مدرسة لي حب يقرى يجي لعين الدفلى يقرى ومتحقروش رواحكم حنى عندنى تاريخ لي ما يعرفوش يسقسي علينى بلاد النيف والرجلة فارس الظهرة

وهداك لي رافد يدو كولو بالاك يدربوك عندنى حنى منحبوش لي يقباحو

اولا السلام عليكم على سؤالك اختي انا انقل انا بنت 44 تاع الصح ونبغي بزاف عين الدفلى او عمري من نتكبر اعليها ولا ننساها اما بالنسبة للخمار انا ما درت الخمار الا بقناعتي وعمري منقلعو حتى النموت

sibhan elah

السلام عليكم

بالنسبة للسؤال 1 : أنا كي يسقسوني نقلهم أنا من عين الدفلى علاه حتى نحشم بالعكس نفتخر بيها هي ولاية

ماشاء الله و ناسها عسل الله يبارك و متحضرين .

بالنسبة للسؤال 2 : أنا دايرة حجاب كامل و عمري ما انحيه حتى و لو نروح للخارج مشي حتى للبحر , و في البحر علاه

حتى إنحيه ؟ كي نعوم بيه حرام ؟ و ديجا هذى الحجاب لازم علينا نديروه لأنو ربي فرضو علينا .

ا لله يهديكم

أنا جامي سقساوني وقلت منيش من عين الدفلى وانا ولد مندرش الخمار وزيدي متحكميش على ناس ما عشتيش معاهم
أنا أصلي ماشي كامل من عين الدفلى بصح نفتخر بيهم و اللي راكي تقولي عليهم كوافا وماهمش متحلبين تاع بوراشد و زدين وبطحية نقلك الله يهديك مدامك معشتيش معاهم متقوليش هدرة كيما هادي و اذا شفتي جماعة منهم كعب متقوليش كامل كعب فئة من قوم مجتمع لا تمثل المجتمع ككل وباش نزيدلك انا منسكن لا في بوراشد ولا في زدين بلاك تقولي راني ندافع علا روحي بصح احترمي نفسك كيما راكي تقولي عليهم هاذي الهدرة كي تروحي للعاصمة ولا غير تخرجي من عين الدفى يقولوا بلي عين الدفلى بلاد الكافية ما يقولوا لا بوراشدي ولا وليد البلاد يقولوا 44

أنا نقول أنا وليد 44

انا بقول وبكل صراحة
بنت 44 عادي هذا اصلي
والى يحشم على اصلوا ما هوش انسان
2/ انا ما نديرش الخيمار ولا رح نديروا لسه ما فكرتش فيه
3/ الله يهدي ما خلق
شكرا لكي وبارك فيكي وجزاكي الجنهـ

السلام عليكم.شكرا على طرحكم هده الاسئلة.
1.بالنسبة لي كجامعية فانا جد فخورة كوني بنت عين الدفلى ففي اي فرصة اتيحت لي ادكر ولايتي و اصلي كما انني اتباهى باولااااد و بناااااااات عين الدفلى
2.الحجاب في عين الدفلى او خارها .هل هنا الله معنا و خارجها لا _استغفر الله.

هههههههههه


ممكن نعرفك امانو أنا تاني قبايلي

تحياتي

افتخر باني من عين الدفلى

1- أنا عمري منحشم ولا ننكر أصلي..! بالعكس نفتخر بنفسي بزااااااف..أصلي..أصلي.
كما نشوف على روحي هما يشوفو على رواحم.....عابد. [img][/img][code][quote]

انا لست من عين الدفلى لكن الرجوع الى الاصل فضيلة اسمحلي اعطيكم سؤال اخر /هل اذا استحيت باسم منطقتك وابدلته باسم منطقة اخرى يغير من حياتك / يخي كلنا اولاد الجزائر ممكن اجابة

الجواب الاول ..انا أفتخر بولايتي .....
الجواب الثانى....للبنات
لالا .....الخمار ما نحيهش في مكان اخر او ولاية اخرى
بصح في البحر نحيها

الجواب الثالث

لا استحي بمنطقتي
فلا اظطر الى تغيريها

لسلام عليك اما بعد بنسبة لسؤال 1اناعمري لا نحشم على ولايتي بل العكس نفتخر بيها لانو زدت فيها وترعرعة فيها وتمتعة بخيراتهاومناضرها..........الخ. واشكر كي على هدا الموضوع

ههههههههههه وعلاه نحشم على اصلي ولا مهيش الارض الساحرة
وانا جامي تحرشة بطفلة
شكرا على الموضوع

عين دفلى ولاية جميلة وانا افتخر بها ولا ابالي من يقول كوفا قلالط جبور انا نعرف حاجة وحدة الحمد للله بلادنا بلاد النيف والرجلة . وما يخلعني حتى. لكعب لي نحو الحجاب كي يخرجو من الولاية راهم باينين من هنا قبل ما يخرجو النحاس نحاس والفظة فظة والذهب راه باين عند البيجوتريا ولحديث قياس يا ثقبيليت

Lala machi haka bela3e9ale 3elina