أجمل النكت لأجمل أعضاء

***قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس لاتاي. شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير لاتاي...

***قالك واحد حابس راح للفارماسيان باش يشري الدواء ..الفارماسيان أعطالو كاشيات و قالو :2 حبات مور القهوة

السيد راح ثم رجع وقال للفارماسيان : خويا معليش نشربهم مور الريستورو

***واحد الزوج كانو شاربين راهم يمشو فالليل شافو القمر ناضو يدابزو واحد يقول قمر و لوخر يقول شمس سقساو واحد كان يمشي فالطريق قالولو واش هذا قمر ولا شمس قاللهم والله غير اسمحولي انا ماشي منا...

***واحد الغاشي ما يفهموا والو يعني حابسين ...مثلا الكاوكاو اللي بالقشور يكتبولهم عليه عبارة( اضغط هنا )...التقاشر مكتوب عليهم ( يمين يسار)...... البنان مكتوب عليه ( يؤكل من الداخل ) الياوورت مكتوب فيه من الأسفل ( انتهى ) العلبة نتاع التونة مكتوب عليها ( لا تخف انه ميت )...معجون الأسنان مكتب فيه (بزق تسيل )...

***قالك واحد السيد تصور بين 2 حمير(حشاكم) وبعثها لصاحبته...وكتب تحتها ملاحظة "راني فالوسط"...

***واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة ...

***واحد النهار غبي دخل يشري عصير قال لمول الحانوت .اعطيني jus d'orange تاع الخوخ

***هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال:
هيه... قلتلها نوضيني نوضت خويا...

صح فطوركم ....صوم مقبول و ذنب مغفور
آمين يا رب العالمين

f

abbas jounti

شكرا لك

» أجمل صور لأجمل فريق
» عضو جديد ينظم إلى أسرة منتديات عين الدفلى فهل من مرحب
» أجمل النكت الجزائرية
» أجمل النكت الجزائرية ..تقتل بالضحك..1
» مجموعة حلوة من النكت